Inter-Office

Shfaq kontaktet

Adresa: Bulevardi Gjergj Fishta, Kulla IV, Tiranë, Albania

Dergoji email
kompanise

Përshkrimi

Prej më shumë se 30 vite, Interoffice është sinonim i cilësisë dhe besueshmërisë në tregun shqiptar të produkteve për zyra. Me një përvojë të konsoliduar dhe vizion afatgjatë, si dhe me produkte të certifikuara ndërkombëtarisht dhe përkushtim ndaj mjedisit, kompania ka ndërtuar një emër duke furnizuar klientë të rëndësishëm si bankat, zyrat ndërkombëtare të kontabilitetit, shoqëritë farmaceutike, shkollat, universitetet dhe një sërë profesionistësh të lirë. Interoffice operon me sukses si në tregun B2B ashtu edhe në B2C, duke mbetur një partner i sigurt për çdo ambient pune që synon cilësinë dhe zhvillimin.

Çfarë ofron

1. Tavolina: Direksionale, Mbledhje, Operative, Recepsion.

Zbuloni tavolinat e zyrës që kombinojnë dizajnin modern me komoditetin maksimal. Shoqëria Interoffice, e cila përshtat produktet e saj me çdo hapësirë, sjell një pamje bashkëkohore për çdo ambient pune. Linjat minimaliste dhe materialet cilësore krijojnë një ndjesi profesionalizmi dhe estetike që nuk del kurrë nga moda. Nga zyra ekzekutive deri te këndi i punës në shtëpi, këto tavolina ofrojnë zgjidhje funksionale që shfrytëzojnë maksimalisht hapësirën tuaj. Zgjidhni një tavolinë që jo vetëm duket bukur, por ju ndihmon të ndiheni mirë çdo ditë në punë. Një hapësirë e rregulluar dhe ergonomike është çelësi i produktivitetit tuaj.

2. Karrige: Direksionale, Menaxheriale, Operative.

Një ditë pune ulur për orë të tëra është realiteti i përditshëm për shumicën prej nesh. Mos harroni se karrigia ku ulemi ndikon drejtpërdrejt si në shëndetin fizik, ashtu edhe në përqendrimin intelektual. Interoffice ofron gjithmonë zgjidhje ergonomike që respektojnë trupin dhe ritmin tuaj të punës. Çdo person ka nevojat e veta, ndaj zgjedhja e një karrigeje ergonomike është më shumë se një preferencë – është një investim në mirëqenie. Ekspertët tanë janë këtu për t’ju këshilluar dhe për t’ju ndihmuar të gjeni modelin që kombinon stilin estetik me kërkesat e trupit tuaj.

3. Kabinete: Arkivë lëvizshme, Biblioteka melamine, Dollapë metalikë, Kartolekë.

4. Aksesorë Zyre: Mbajtëse për hard disk, mbajtëse këmbësh, mbajtëse monitori, mbrojtëse parketi, varëse rrobash.

5. Mobilje të Vogla: Kuzhina për zyra, Sirtarë, Tavolina studimi për shtëpi, Tavolina për vizitorë.